1) Hədəf: Səmərəli dərs çalışmasını təmin etmək
Yanlış Metod: Şagirdin masa arxasında uzun müddət oturmasını təmin etmək.
Düzgün Metod: Valideynlər, şagirdin müəyyən bir plan və proqram üzrə çalışıb-çalışmadığını izləməlidirlər. Vacib olan masa arxasında keçirilən vaxtın uzunluğu deyil, bu vaxtın keyfiyyətli və səmərəli istifadə edilməsidir. Valideynlər uşağın dərs çalışması üçün lazımi fiziki və psixoloji mühiti hazırlamalı, ona məsuliyyət hissi aşılamalıdırlar.
2) Hədəf: Gərgin və nizamlı çalışmanı dəstəkləmək
Yanlış Metod: Məqsədsiz bir şagirdi motivasiya etmək üçün davamlı olaraq “Dərs çalış” demək.
Düzgün Metod: Davamlı olaraq eyni xəbərdarlığı etmək şagirddə bezginlik yaradır və ailəyə qarşı mənfi münasibətin yaranmasına səbəb ola bilər. Bunun əvəzinə, şagirdin hədəf təyin etməsinə kömək edilməlidir. Öz hədəflərini aydınlaşdıran bir şagird, necə çalışmalı olduğunu da daha asan dərk edir.
3) Hədəf: Yaxşı bir lisey, peşə və həyat uğuru üçün dəstək olmaq
Yanlış Metod: Uşağı başqaları ilə müqayisə etmək. Məsələn: “Qonşunun uşağı bu qədər düz cavab verdi, sən niyə etmirsən?”
Düzgün Metod: Uğura gedən yollar hər şagird üçün fərqlidir. Bir yoldaşının işləmə metodu və ya sahib olduğu xüsusiyyətlərin eynilə bizim uşağımızda olmasını gözləmək real deyil. Müqayisə yerinə, şagirdin öz inkişafını əsas alan ifadələr istifadə edilməlidir.
4) Hədəf: Televiziya asılılığının qarşısını almaq
Yanlış Metod: Ailə televiziya və ya matç izləyərkən şagirddən dərs çalışmasını istəmək.Düzgün Metod: Valideynlər, etmədikləri şeyləri uşaqlarından gözləməməlidirlər. Dərs saatlarında uşağın televiziyaya baxmamasını istəyirsinizsə, eyni saatlarda sizin də televiziyanı söndürməyiniz lazımdır. Nümunə olmaq sözlərdən daha təsirlidir.
5) Hədəf: Uyğun dərs iş mühiti yaratmaq
Yanlış Metod: İş otağında diqqəti yayındıran elementlərin olmasına göz yummaq.
Düzgün Metod: İş mühiti şagirdi motivasiya edəcək şəkildə təşkil edilməlidir. Dərs çalışmaq üçün ən səmərəli yer, şagirdin iş masasıdır. Yerdə uzanaraq və ya yataqda çalışmaq diqqəti tez yayındırır. İş mühiti də nizamlı olmalıdır. Dağınıqlıq zehni dağınıqlığa səbəb olur.